یانه‌ی تۆرینۆ به‌تاکه‌ گۆلێک دۆرا

له‌چوارچێوه‌ی یاریه‌كانی هه‌فته‌ی بیستو پێنجی خولی ئیتالیا یانه‌ی تۆرینۆ له‌سه‌ر یاریگای ئۆلۆمپیك دی تۆرینۆ میوانداری یانه‌ی یۆڤنتۆسی كرد.

 یاریه‌كه‌ به‌گه‌رم و گوریه‌وه‌ ده‌ستی پێكردو له‌خوله‌كی سی و سێی یاریه‌كه‌دا خانمه‌ پیره‌كه‌ له‌رێی یاریزان ئه‌ڵێكس ساندرۆ گۆڵی پێشكه‌وتنی له‌یاریه‌كه‌دا به‌ده‌ست هێنا و گێمی یه‌كه‌م به‌و ئه‌نجامه‌ به‌كۆتاهات.

 له‌گێمی دووه‌می یاریه‌كه‌دا خاوه‌ن ماڵ گوشاره‌كانی چڕكر بۆ ئه‌وه‌ی ئه‌نجامی یاریه‌كه‌ بگۆڕێت، به‌ڵام سه‌رجه‌م هه‌وڵه‌كان بێ ئامام بوو.

 به‌مجۆره‌ یاریه‌كه‌ به‌تاكه‌ گۆلێك به‌كۆتاهاتوو كۆی خاڵه‌كانی یۆڤنتۆس بووه‌ شه‌ستو پێنج خاڵ و هه‌ر له‌پله‌ی دووه‌م مایه‌وه‌.