ناوی کاندیده‌کانی پارتی له‌ شاری هه‌ولێر

كۆمیسیۆنی باڵای سه‌ربه‌خۆی هه‌ڵبژاردنه‌كان، ناوی كاندیدانی پارێزگای هه‌ولێری هه‌ندێك له‌ حزبه‌كانی كوردستانی بڵاوكرده‌وه‌.

لیستی ناوی كاندیدانی پارتی دیموكراتی كوردستان لە شاری هەولێر بۆ هەڵبژاردنی ئەنجومەنی نوێنەرانی عیراق ئاشكرا بوو، پێنج لەو کاندیدانە رەگەزی مێن ‌و یەكەم ناوی لیستەكەش (د. كاوان ئیسماعیل ئیبراهیم)ە.

لە‌و لیستەدا كە ئەمڕۆ شەممە 17ی شوباتی 2018 بڵاوكراوەتەوە، ناوی 20 كەس هاتووە، لە كەسە دیارەكانی لیستەكەدا، هەریەك لە عەرەفات كەرەم، كە ئێستا سەرۆكی فراكسیۆنی پارتی یە لە پەرلەمانی عیراق ‌و مەلا بەشیر خەلیل كە پێشتر پەرلەمانتاری كوردستان بوو لە فراكسیۆنی پارتی ‌و ئازاد حەمەد ئەمین، سەرۆكی سەندیكای رۆژنامەنووسانی كوردستان هەیە.

كاندیدانی پارتی لە شاری هەولێر بۆ هەڵبژاردنی پەرلەمانی عیراق 13 کەسیان هەڵگری بڕوانامەی بەكالۆریۆس ‌و شەشیان هەڵگری بڕوانامەی دكتۆرا ‌و یەكێكیشیان هەڵگری ‌و بڕوانامەی ماستەرە. بەتەمەنترینی لیستەكە 73 ساڵە‌ و بچووکترینیشیان 38 ساڵە.

بڕیاره‌ له‌ 12/ 5/ 2018، هه‌ڵبژاردنى ئه‌نجومه‌نى نوێنه‌رانى عێراق له‌ سه‌رجه‌م پارێزگاكاندا به‌ڕێوه‌ بچێت.