سه‌رۆكوه‌زیرانی عێراق، له كۆنگره‌ی دووباره ئاوه‌دانكردنه‌وه‌ی عێراق له كوه‌یت گوتارێكی پێشكه‌شكردو ناوی هه‌رێمی كوردستانی نه‌هێنا و له‌بری ئه‌وه پارێزگاكانی باكووری كوردستانی عێراقی به‌كارهێنا.
حه‌یده‌ر عه‌بادی، سه‌رۆكوه‌زیرانی عێراق، عه‌بادی له وتاره‌كه‌یدا گووتی: ئێمه هێشتا به‌ده‌ست بیرۆكراسیه‌تی درێژخایه‌نه‌وه ده‌ناڵێنین و به جددی كار بۆ نه‌هێشتنی ده‌كه‌ین، یاسای وه‌به‌رهێنانی عێراقیش باشترین یاسای وه‌به‌رهێنانی ناوچه‌كه‌یه.
هه‌روه‌ها گووتی: ده‌رفه‌تی وه‌به‌رهێنان له به‌سره و زیقار و به‌غدای خۆشه‌ویست و ئه‌نبار و نه‌ینه‌وا و له‌وێشه‌وه بۆ پارێزگاكانی باكووری ئازیز له كوردستانی عێراق به‌رده‌سته .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.