هێزه سوورییه‌كانی پشتیوانی كراو له‌لایه‌ن ئه‌مریكاوه دوو چه‌كداری به‌ریتانیی سه‌ر به گروپی تیرۆریستی داعشیان ده‌ستگیر كردووه كه له‌ناو ده‌سته‌ی جه‌لاد و ئه‌شكه‌نجه‌ده‌رانی ئه‌م گروپه بوون و ناسناوی بیتڵزیان له‌سه‌ر خۆیان دانابوو. ئه‌م دوو كه‌سه به زیاده‌ڕۆیی كرده‌وه‌ی دڕندانه له به‌رامبه‌ر دیل و بارمته‌كان به‌ناوبانگ بوون.
به‌وته‌ی وته‌بێژی سه‌نته‌ری فه‌رمانده‌یی هێزه‌كانی ئه‌مریكا له سووریا، ئێڵ شافی ئه‌لشێخ و ئالكساندا ئامۆن كوتی دوو له ئه‌ندامانی ده‌ستی سێداره و ئه‌شكه‌نجه‌ی داعش بوون كه له‌لایه‌ن هێزه‌كانی سووریای دیموكراته‌وه ده‌ستگیر كراون.
به‌پرسانی ئه‌مریكی ده‌ڵێن گروپی ناوبراو كه چوار كه‌س بوونه به‌رپرسی ئه‌شكه‌نجه و په‌ڕاندنی ملی 27 دیلی رۆژئاوایی ده‌ستی داعش بوون كه له‌ناویاندا دوو په‌یامنێری ئه‌مریكیی به‌ناوی جێمز فولی و ستیڤن ساتلۆڤ هه‌بوون.
سه‌ركرده‌ی ئه‌م ده‌سته‌یه كه‌سێكی به‌ریتانیی بوو به‌ناوی جۆن جیهادیی كه ده‌موچاوی خۆی به ده‌مامكی ره‌ش داده‌پۆشیی و پێش بڕینی سه‌ری بارمته‌كان به زمانی ئینگلیزیی چه‌ند رسته‌یه‌كی ده‌رده‌بڕیی. ناوبراویش ساڵی 2015 له سووریا كوژرا.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.