هه‌ولێر: باندێکی دزیکردن ده‌ستگیرکران

به‌رێوه‌به‌رایه‌تی راگه‌یاندنی پۆلیسی هه‌ولێر له‌ پێگه‌ی فه‌رمی خۆی له‌ تۆری كۆمه‌ڵایه‌تی فه‌یسبووك رایگه‌یاند: دوای ئه‌وه‌ی پۆلیس ئاگادار كرانه‌وه‌ به‌ بوونی چه‌ند ڕووداوێكی دزیكردن له‌ داره‌توو، پۆلیس ده‌ستبه‌جێ دۆسیه‌ی لێكۆڵینه‌وه‌ی بۆ ئه‌م ڕووداوه‌ كرده‌وه‌ توانی له‌ ماوه‌یه‌كی كه‌م تۆمه‌تباران ده‌ستگیر بكات.

راشیگه‌یاندووه‌: له‌مباره‌یه‌وه‌ ڕائید دلشاد حه‌سه‌ن محی الدین به‌رپرسی به‌شی نه‌هێشتنی تاوانی داره‌توو، به‌ پۆلیسی هه‌ولێری ڕاگه‌یاند كه‌وا ئاگاداركراینه‌وه‌ به‌بوونی چه‌ند ڕووداوێكی دزیكردن له‌ داره‌توو، ده‌ستبه‌جێ دۆسیه‌ی لێكۆڵینه‌وه‌مان بۆ ئه‌م ڕووداوه‌ كردوه‌ و توانیمان له‌ ماوه‌یه‌كی كه‌م پێنچ تۆمه‌تبار ده‌ستگیر بكه‌ین به‌ ناوه‌كانی (ع.ر.ع)، ته‌مه‌ن (19)ساڵ، (م.ع.ج)، ته‌مه‌ن (18)ساڵ، (م.د.ع)، ته‌مه‌ن (18)ساڵ، (م.ص.ص)، ته‌مه‌ن (16)ساڵ، (ز.ص.ج)، ته‌مه‌ن (16)ساڵ.

راشیگه‌یاند: تۆمه‌تباران دوای ده‌ستگیركردنیان دانیان نا به‌ تاوانه‌كه‌یان كه‌ وا هه‌ڵسابوون به‌ دزینی (80) سه‌ره‌ مه‌زرا له‌ داره‌توو.

راشیگه‌یاندووه‌: په‌ڕاوی لێكۆڵینه‌وه‌ بۆ تۆمه‌تباره‌كان كراوه‌ته‌وه‌و ڕه‌وانه‌ی به‌رده‌م دادوه‌ر كراوه‌، دادوه‌ریش  بڕیاریدا به‌ به‌ندكردنی تۆمه‌تباران به‌ پێی مادده‌ (444) له‌ یاسای سزادان.