به‌ڕێوه‌به‌رایه‌تی پۆلیسی پارێزگای سلێمانی به‌شی ڕاگه‌یاندن و په‌یوه‌ندییه‌كان له پێگه‌ی فه‌رمی خۆی له تۆری كۆمه‌ڵایه‌تی فه‌یسبووك رایگه‌یاند: شه‌وی 4-2-2018، ژنێكی ته‌مه‌ن 29 ساڵ له گوندی ئه‌ڵمانی له شاری سلێمانی كۆتایی به ژیانی خۆی هێنا .
راشیگه‌یاند: دوای گه‌یشتنی هێزه‌كانی پۆلیسی پارێزگای سلێمانی ته‌رمه‌كه‌ی ڕه‌وانه‌ی پزیشكی دادوه‌ری له شاری سلێمانی كراو لێكۆڵینه‌وه‌ش له ڕوداوه‌كه ده‌ستیپێكرووه .
له‌باره‌ی ناسنامه‌ی ئه‌و ژنه به‌رێوه‌به‌رایه‌تی پۆلیس رایگه‌یاندووه: ئه‌و هاوڵاتییه ناوی ( م ، ه ، ح ) له دایكبووی ساڵی 1989 بووه و دانیشتوی گوندی ئه‌ڵمانییه له شاری سلێمانی .
به پێی زانیارییه سه‌ره‌تاییه‌كانی پۆلیس تا ئێستا هۆكاری خۆ خنكاندنه‌كه‌ی ئه‌م ئافره‌ته‌ی نه‌زانیووه .
شایه‌نی باسه دوێنیش پیاوێكی ته‌مه‌ن 59 ساڵ له گه‌ره‌كی زێرینۆك له سلێمانی كۆتایی به ژیانی خۆی هێناوه و تاوه‌كو ئێستا هۆكاری خۆ كوشتنه‌كه‌ی بۆ پۆلیسی سلێمانی ده‌ر نه‌كه‌وتووه.
کۆمێنت (0)
تا ئێستا هیچ کۆمێنتێک نەکراوە.