به گوێره‌ى هه‌واڵێكى ئاژانسى په‌یامنێر: ماوەی چوار رۆژە ھێزی دژەتیرۆری یەكێتی بە فەرمانی لاھور جەنگی دەستی بەسەر پاڵاوگەی نەوتی حسیرەی نزیك قەزای دوكاندا گرتووە و دەگوترێت ئەم پاڵاوگەیە لەلایەن گوڕانەوە خاوەنداری دەكرێت.
هه‌ربه پێى هه‌مان سه‌رچاوه: بەھۆی دەستبەسەرداگرتنی پاڵوگەكە لەلایەن دژەتیرۆری یەكێتیەوە ماوەی چوار رۆژە بەرھەم ھێنان و پالاوتنی نەوت ڕاگیراوە كە رۆژانە نزیكەی ١٠ ھەزار بەرمیل نەوتە.
به گوێره‌ى ئه‌و سه‌رچاوه‌یه دژە تیرۆری یەکێتی ماوەی 7 ڕۆژە پاڵاوگەیەکی نەوتی داخستووە
پێشتر ئاشتی ھەوارامی ئاشكرای كرد كە بزۆتنەوەی گوڕان بە فەرمی داوای كردووە بیرەنەوتێكیان پێ بدەین بەلام داواكەیمان رەتكردەوە.
ھەورامی گوتیشی: داواكەی گوڕان لە رێگای عەلی حەمە ساڵح ـەوە بەدەستمان گەیشت، ئەوكات عەلی حەمە ساڵح ھیچ لێدوانیكی لەسەر ئەم بابەتە نەدا و بێدەنگی ھەڵبژارد بەرامبەر ئەو بەڵگانەی ئاشتی ھەورامی خستیە روو.
کۆمێنت (0)
تا ئێستا هیچ کۆمێنتێک نەکراوە.