پۆلیسی به‌سره كه‌سێكیان ده‌ستگیركرد كه تۆمه‌تباره به كوشتنی دایكی و دواتر هه‌ڵساوه به سووتاندنه‌ی ته‌رمه‌كه‌ی.
سه‌رچاوه‌یه‌كی ئه‌منی به سۆمه‌رییه نیوزی راگه‌یاندووه: هێزێكی پۆلیسی فریاكه‌وتنی به‌سره تۆمه‌تبارێكیان له شارۆچكه‌ی ئه‌بو خه‌سیب ده‌ستگیركردووه كه تۆمه‌تباره به كوشتنی دایكی.
سه‌رچاوه‌كه گووتیشی: تۆمه‌تباره‌كه دوای ئه‌وه‌ی دایكی خۆی كوشتووه، هه‌ڵساوه به سووتاندنی ته‌رمه‌كه‌ی بۆ ئه‌وه‌ی هیچ شتێك له دوای تاوانه‌كه به‌جێ نه‌هێڵێ.
سه‌رچاوه‌كه ئه‌وه‌شی ئاشكرا كردووه كه تۆمه‌تباره‌كه یه‌كێك بووه له‌و كه‌سانه‌ی كه مادده‌ی هۆشبه‌ر به‌كار ده‌هێنێ.
کۆمێنت (0)
تا ئێستا هیچ کۆمێنتێک نەکراوە.