وەزیری گواستنەوە و گەیاندنی هەرێمی کوردستان بە وەکالەت رایگەیاند، لە کۆبوونەوەی ئەمڕۆدا لەگەڵ شاندی بەغدا لێکتێگەیشتنی زیاتر دروستبووە و ئێستا "چەند خاڵێکی کەم ماون لەبارەیانەوە بگەنە رێککەوتن.
لە کۆنگرەیەکی رۆژنامەڤانیدا دوای کۆبوونەوەی شاندی باڵای حکومەتی عێراق و هەرێمی کوردستان لە هەولێر، مەولوود باوەموراد، وەزیری گواستنەوە و گەیاندنی هەرێمی کوردستان بە وەکالەت رایگەیاند، لەگەڵ شاندی عێراق لێکتێگەیشتنی باش هەیە و لەسەر "چەند خاڵێکی زۆر کەم" ناکۆکی هەیە.
كۆبونه‌وه‌ی نێوان وه‌فدی عێراقی و شاندی هه‌رێم كۆتایی هات و وه‌زیری گواستنه‌وه‌و گه‌یاندنی حكومه‌تی هه‌رێمیش ئاشكرای ده‌كات: كۆبوونه‌وه‌كان به‌شێوه‌یه‌كی باش به‌ڕێوه‌ده‌چێت و له‌یه‌كترگه‌یشتن و هه‌ماهه‌نگی هه‌یه‌و به‌شێوه‌ی مه‌له‌ف له‌سه‌ر فرۆكه‌خانه‌كان و ده‌روازه‌كان و مه‌له‌فی ناوخۆ گفتوگۆهه‌یه .
گوتیشی " لێکتێگەیشتنى باش هەیە بۆ چارەسەرکردنى کێشەکان لەسەر بنەماى دەستور، هەروەها کۆنووسێکى کۆبوونەوەکان نوسراوەتەوە و ئاڕاستەى عەبادی دەکرێت.
ئاماژه‌ی به‌وه‌ش كرد: خاڵه ناكۆكه‌كان زۆر كه‌من ناكۆكی له‌سه‌ر ئه‌وه‌یه كێ سه‌رۆكی ئه‌و تیم و لێژنانه بێت و فه‌رمانبه‌ره‌كان چۆن بن و له‌كوێ بن كه بڕیاری له‌سه‌ر ده‌درێت ، ئه‌وه‌ش له كۆبوونه‌وه‌ی داهاتوو چاره‌سه‌ر ده‌كرێن .
گوه‌زیری گواستنه‌وه گوتیشی: گفتوگۆكان له‌كه‌ش و هه‌وایه‌كی دۆستانه‌و به‌ئیراده‌ی پێكه‌وه‌كاركردن و باش به‌ڕێوه‌چوه‌و ، دانوستانه‌كان له‌ژێر سایه‌ی ده‌ستوری عێراقی به‌ڕێوه‌ده‌چوون .
جەختیشیکردەوە، تا ئێستا، پێنج کۆبوونەوە بۆ تاوتوێکردنى ئاسایش و دەستور و فڕۆکەخانەکان و گومرگ و دەروازە سنورییەکان و بەنداوەکان و نەوت کراوە.
ئاشكراشی كرد كه شانده‌كه‌ی عێراق له 19 كه‌س پێكهاتوه‌و كۆبونه‌وه‌كه‌ش به‌شێوه‌ی گرووپ گرووپ بووه .
کۆمێنت (0)
تا ئێستا هیچ کۆمێنتێک نەکراوە.