مه‌حمود عه‌باس سه‌رۆكی ده‌سه‌ڵاتی فه‌ڵه‌ستینی رۆژی یه‌كشه‌ممه‌ی ئه‌م هه‌فته‌یه رایگه‌یاند كه له دانووستانه‌كانی ئاشتیدا له‌گه‌ڵ ئیسڕائیل، ئه‌مریكا وه‌ك ته‌نیا ناوبژیوان قبوڵ ناكات و پێشنیاره‌كه‌ی ئه‌م وڵاته‌ی وه‌ك زله‌ی سه‌ده وه‌سفكرد و وتی ئێمه داواكارین وه‌فدێكی نێوده‌وڵه‌تیی پێكبهێنرێت بۆ به‌شداریی له دانووستانه‌كان.
ناوبراو هه‌روه‌ها راشیگه‌یاند كه پێشنیاره‌كه‌ی ئه‌مریكا بۆ ئاشتی قبوڵ ناكات و جه‌ختی كرده‌وه كه ئه‌وه‌ی ئه‌مریكا وه‌ك رێككه‌وتنی سه‌ده ناوی ده‌بات ده‌بێ به زله‌ی سه‌ده ناوه‌زد بكرێت، وه ئێمه‌ش هه‌ڵوێستمان ده‌بێت له‌مباره‌وه‌یه‌وه و بێ وه‌ڵامی ناهێڵینه‌وه.
مه‌حمود عه‌باس وێڕای ره‌خنه گرتن له پڕۆژه سیاسییه‌كه‌ی ترامپ كه نیازی هه‌یه شارۆچكه‌ی ئه‌بودیس له ده‌وروبه‌ری ئۆرشه‌لیم بكات به پایته‌ختی فه‌ڵه‌ستین، وتی كه ئه‌وه‌مان قبوڵ نییه.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.