فڕۆكه‌یەک کە گەشتی ئەنقەرە ترابزۆنی کرد بوو لە فڕۆکەخانەی ترابزۆن، دوای ئەوەی دەنیشێتەوە لە رێگە لادەدات و بەو هۆیەشەوە فڕۆکەخانەکە بۆ ماوەیەکی کاتی بە رووی گەشتەکاندا داخرا.
فڕۆكه‌یەک کە گەشتی ئەنقەرە ترابزۆنی کرد بوو لە فڕۆکەخانەی ترابزۆن، دوای ئەوەی دەنیشێتەوە لە رێگە لادەدات و بەو هۆیەشەوە فڕۆکەخانەکە بۆ ماوەیەکی کاتی بە رووی گەشتەکاندا داخرا. هاوکات بە هۆکاری ئەمنی، سەرجەم گەشتەکان وەستێنران.
دوای ژمارەیەک رێکاری ئەمنی تایبەت و دابەزینی سەرنشینانەی فڕۆکەکە بە سەلامەتی، سەرجەم گەشتەکانی فڕۆکەخانەکە ئاسایی بوونەوە.
پارێزگاری ترابزۆن لە راگەیەنراوێکدا ئاماژەی بە رووداوەکە کردووە و ئاماژەی بەوەداوە کە بە هۆکارێکی نادیار فڕۆکەیەک لە رێڕەوی خۆی لە کاتی نیشتنەوەدا لایداوە و بەوهۆیەوە گەشتەکان لە فڕۆکەخانەکە بۆ ماوەیەکی کاتیی داخراوە.
هەروەک کۆمپانیای پێگاسووس، کە خاوەنی فڕۆکەکەیە، رایگەیاندووە، فڕۆکەکە لەسەر هێڵی خۆی لایداوە و بەهۆی ئەوەی رێڕەوی فڕۆکەخانەکە لە تەنیشت دەریای رەشە، کەوتووەتە رۆخی ده‌ریاكه، سه‌رجه‌م سه‌رنشینه‌كان به سه‌لامه‌تی رزگاریان بووه.
کۆمێنت (0)
تا ئێستا هیچ کۆمێنتێک نەکراوە.