كۆمپانیای "sanuwave"ـی ئه‌مریكی به‌مدواییه توانیویه‌تیی رێكخراوی خۆراك و ده‌رمانی ئه‌مریكا رازیی بكات به‌وه‌ی كه ئه‌م رێكخراوه رێگه‌ی پێبدات تا ئامێری چاره‌سه‌ری برین له رێگه‌ی شه‌پۆڵه‌كانی ئاكۆستیكه‌وه بخاته بازاڕ.
ئه‌م ئامێره به‌تایبه‌تی بۆ چاره‌سه‌ری برینه‌كانی پێ له‌و كه‌سانه‌دا كه نه‌خوشی شه‌كره‌یان هه‌یه زۆر به‌سووده، كه له‌م نه‌خۆشانه‌دا ده‌ماره خوێنبه‌ر و هه‌سته‌وه‌ره‌كان به‌هۆی ئه‌وه‌ی ده‌كه‌ونه ژێر زه‌ختی نه‌خۆشییه‌كه، له ئه‌نجامدا سوڕی خوێن هێواش ده‌بێته‌وه و ئیلتهابات سه‌رهه‌ڵده‌دن، كه ئه‌وه‌ش جاری وایه هۆكاره بۆ بڕانه‌وه‌ی پێی كه‌سه‌كه.
ئه‌م ئامێره له رێگه‌ی شه‌پۆڵه‌كانه‌وه برین ده‌وروژێنێت و وایلێده‌كات سیستمی به‌رگریی جه‌سته برینه‌كه چاره‌سه‌ر بكات. هه‌روه‌ها لێكۆڵینه‌وه‌یه‌ك ده‌ریخستووه كه دوای 24 هه‌فته چاره‌سه‌ر له‌ژێر ئه‌م ئامێره ده‌بێته هۆی ئه‌وه‌ی كه تا %44 برینه‌كان ساڕێژ ببنه‌وه.
سه‌رچاوه / مێهر نیوز
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.