هاوكات كه حكومه‌تی كۆماری ئیسلامیی ئێران مافی ده‌ربڕینی ناڕه‌زایه‌تیی له هاوڵاتییانی خۆی زه‌وت كردووه، ئه‌ندامێكی په‌رله‌مانی ئه‌م وڵاته كه سه‌ر به لایه‌نی ریفۆرمخوازه‌كانه، باس له‌وه ده‌كات كه ده‌زگا ئه‌منییه‌كانی كابینه‌ی حه‌سه‌ن رۆحانی 90 قوتابیی زانكۆیان له سه‌رتاسه‌ری ئه‌م وڵاته ده‌ستگیر كردووه.
رۆژی هه‌ینی رابردوو په‌روانه سه‌له‌حشوری نوێنه‌ری تاران له په‌رله‌مانی ئێراندا رایگه‌یاند كه وه‌زاره‌تی ئیتڵاعاتی كابینه‌ی رۆحانی سه‌رۆك كۆماری ئێران، تا رۆژی هه‌ینی واته 6ـی ئه‌م مانگه، 90 قوتابی زانكۆی ده‌ستگیر كردووه، كه له‌وانه‌یه ئه‌و ژماره‌یه زیاتریش بێت، به‌ڵام تا ئێستا 90 كه‌س له زیندانن.
هه‌روه‌ها كه‌مپینی مافی مرۆڤی ئێرانیش رایگه‌یاندووه كه ژماره‌یه‌ك چالاكوان و قوتابیی زانكۆ له‌لایه‌ن هێزه ئه‌منییه‌كانه‌وه ده‌ستگیر كراون.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.