ئه‌نجوومه‌نی پارێزگای نه‌ینه‌وا رایده‌گه‌ێنێ، دانیشتنی رۆژی سێشه‌ممه‌ی داهاتوو كه بڕیار بوو ته‌رخان بكرێت بۆ لێپرسینه‌وه له پارێزگار، نه‌وفه‌ل حه‌مادی سوڵتان به هۆی پشووه‌كانی جه‌ژنی سه‌ری ساڵه‌وه، دواخرا.
عیماد عامری، گوته‌بێژی ئه‌نجوومه‌نی پارێزگای نه‌ینه‌وا رایگه‌یاند: له‌سه‌ر داوای ژماره‌یه‌ك له ئه‌ندامانی ئه‌نجوومه‌ن، دانیشتنی رۆژی سێشه‌ممه‌ی داهاتوو به بۆنه‌ی پشووه‌كانی سه‌ری ساڵه‌وه بۆ كاتێكی دیكه دواخرا.
بڕیاربوو رۆژی سێشه‌ممه‌ی داهاتوو، ئه‌نجوومه‌نی پارێزگای نه‌ینه‌وا دانیشتنێكی تایبه‌ت بۆ لێپرسنه‌وه له پارێزگاری نه‌ینه‌وا، نه‌وفه‌ل حه‌مادی سوڵتان ساز بكات.
چه‌ندین جاره به هۆكاری جیاجیا، دانیشتنی ئه‌نجوومه‌نی پارێزگای نه‌ینه‌وا بۆ لێپرسنه‌وه له پارێزگاری نه‌ینه‌وا، نه‌وفه‌ل حه‌مادی سوڵتان دواده‌خرێت.
کۆمێنت (0)
تا ئێستا هیچ کۆمێنتێک نەکراوە.