بومەلەرزەکەی شەوی رابردووی ئێران 117 برینداری لێکەوتەوە

   
شەوی رابردوو بومەلەرزەیەک بە گوڕی 5.2 پلە بە پێوەری رێختەر چەند ناوچەیەکی  ئێرانی ھەژاندو بەھۆیەوە 117 کەس برینداربوون.

نیوەشەوی رابردوو بوومەلەرزەیەک "تاران"ی پایتەختی ئێرانی هەژاند و بەهۆیەوه دوو کەس کوژران و نزیکەی 117 کەسیش بریندار بوون.

هێشتا زەرەر و زیانەکانی ئەم بوومەلەرزەیه به وردەی رانەگەیەندراوه و گوتەبێژی بەرگریی شارستانیی تاران گوتوویەتی، هیچ بینا یان خانووەک نەڕووخاوه.

بەپێی راپۆرتی راگەیاندنەکانی ئێران، گوڕی بوومەلەرزەکه 5.2 رێختەر بووه و ناوەندی بوومەلەرزەکەش به دووری 40 کیلۆمەتری رۆژئاوای تاران و له قووڵایی 7 کیلۆمەتر بووه.

بەپێی راپۆرتەکان، بوومەلەرزەکه 12 پاش‌ لەرزەی بەدواوه بووه.

بوومەلەرزەکه جگه له تاران، پارێزگاکانی ئەلبۆرز، قوم، میلار، ناوەندیشی هەژاندووه و له پارێزگاکانی تاران و ئەلبۆرز قوم ئەمڕۆ پشوو راگەیەندرا.