له ئاكامی هێرشێكی چه‌كدارانی داعش بۆ سه‌ر حه‌شدی شه‌عبی له سنووری پارێزگای نه‌ینه‌وا، فه‌رمانده‌یه‌ك و 12 چه‌كدار كوژران.
نه‌قیب سه‌بهان كازم وه‌ردی، ئه‌فسه‌ر له فیرقه‌ی میكانیكی چوار سه‌ربه سوپای عێراق، به ئانادۆڵوی رایگه‌یاند : به‌ره‌به‌یانی ئه‌مڕۆ سێشه‌ممه، ژماره‌یه‌ك چه‌كدارانی داعش هێرشیانكرده سه‌ر حه‌شدی شه‌عبی له ناوچه‌ی ته‌ل سه‌فۆك رۆژئاوای پارێزگای نه‌ینه‌وا.
هه‌روه‌ها گوتی: له هێرشه‌كه‌دا، شه‌ڕ و پێكدادان له نێوان حه‌شدی شه‌عبی و چه‌كدارانی داعش روویداوه‌و فه‌رمانده‌یه‌كی حه‌شدی شه‌عبی به ناوی ئه‌بی جه‌عفه‌ر ته‌یار و له‌گه‌ڵ ١٢ چه‌كداری دیكه كوژران.
هه‌رله‌باره‌ی هێرشه‌كه‌ی سه‌ر چه‌كدارانی حه‌شدی شه‌عبی عه‌قید ئه‌حمه‌د جبوری، ئه‌فسه‌ر له فه‌رمانده‌یی ئۆپه‌راسیۆنه‌كانی نه‌ینه‌وا، راگه‌یاندووه، ناوچه‌ی ته‌ل سه‌فۆك هاوسنووره له‌گه‌ڵ سووریا و به ناوچه‌یه‌كی مه‌ترسیدار بۆ سه‌ر هێزه عێراقییه‌كان داده‌نرێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.