هه‌ردوو وڵاتی فه‌ڕه‌نسا و ئه‌ڵمانیا كۆكن له‌سه‌ر ئه‌وه‌ی ده‌بێت ئێران ده‌سـتبه‌رداری به‌رنامه‌ی موشه‌كی بالستیكی خۆی ببێت و كۆتایی به هه‌ڕه‌شه‌كانی خۆسه‌پاندن بهێنێت له ڕۆژهه‌ڵاتی ناوه‌ڕاستدا.
ژان ئیف لودغیان، وه‌زیری ده‌ره‌وه‌ی فه‌ره‌نسا له كۆنگره‌یه‌كی ڕۆژنامه‌وانی هاوبه‌ش له‌گه‌ڵ زیگمار گابرێل هاوتا ئه‌ڵمانیـیه‌كه‌ی له پاریس ڕاگه‌یاند: به‌رلین و پاریس به‌رده‌وام ده‌بن له داكۆكیكردن له‌و ڕێككه‌وتنه‌ی له ساڵی 2015 كرا له نێوان زلهێزانی جیهان و تاران سه‌باره‌ت به به‌رنامه ناوكیـیه‌كه.
دوێنێ میدیا فه‌رمیـیه‌كانی ئێران له زاری به‌هرام قاسمی ، گوته‌بێژی وه‌زاره‌تی ده‌ره‌وه‌ی ئێران بڵاویانكردووه‌ته‌وه كه گوتوویه‌تی : بێ هیچ چه‌ند و چونێـك كۆماری ئیسلامی ئێران دانوستاندن له‌سه‌ر بابه‌ته‌كانی به‌رگری و موشه‌كی ناكات.
هه‌روه‌ها قاسمی گوتویه‌تی: فه‌ڕه‌نسایـیه‌كان ئاگایان له مێژووی نوێی ناوچه‌كه نیـیه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.