شازاده هارى و ئه‌كته‌رى ئه‌مریكى مێگان مێركڵ به فه‌رمى ڕایانگه‌یاند كه له به‌هارى ساڵى داهاتوودا هاوسه‌رگیرى ده‌كه‌ن.
شازاده هارى له ته‌مه‌نى 33 ساڵیدایه و مێگان مێركڵى ئه‌كته‌رى ئه‌مریكى به‌ناوبانگ له ته‌مه‌نى 36 ساڵیدایه و له ساڵى 2016 دا له ڕێگه‌ى هاوڕێكانیانه‌وه لێك نزیك بوونه‌ته‌وه و یه‌كیان ناسیووه.
به گوێره‌ى هه‌واڵێكى دۆیچه ڤێله‌ى ئه‌ڵمانى، خێزانى شاهانه‌ى به‌ریتانییه‌كان ئاشكرایان كردووه كه هارى و ده‌ستگیرانه‌كه‌ى له مانگى ئایارى داهاتوو له قه‌ڵاى وندسۆر ئاهه‌نگى هاوسه‌رگیرییه‌كه‌یان ئه‌نجام ده‌ده‌ن.
هارى له ساڵى 1984 له دایكبووه‌و كوڕى شازاده چارلز و شازاده دیانایه، برایه‌كى هه‌یه به‌ناوى شازاده ویلیام، دیاناى دایكى له ساڵى 1997 له مردنێكى ته‌مومژاویدا به رووداى هاتوچۆ گیانى له‌ده‌ستداوه.
مێگان مێركڵى خانمه شۆخ و شه‌نگى سینه‌ماى ئه‌مریكى له ساڵى 1981 له لۆس ئه‌نجلۆس له‌دایكبووه، له زنجیره دراماى سوتس رۆڵى سه‌ره‌كى وه‌ك پارێزه‌رێك ده‌بینێت و به‌و هۆیه‌وه لاى به‌ریتانییه‌كان ناوبانگێكى گه‌وره په‌یدا ده‌كات.
خیزانى شاهانه و كه‌سایه‌تییه به‌ناوبانگه‌كانى جیهان به‌م بۆنه‌یه‌وه له پێگه فه‌رمییه‌كانى خویانه‌وه پیرۆزبایى خۆیانیان ئاڕاسته ده‌كه‌ن.
شازاده هارى و مێگان مێركڵ ماوه‌ى سێ ساڵه په‌یوه‌ندى خۆشه‌ویستى به‌یه‌كى گه‌یاندوون و بریاریانداوه پێكه‌وه بژین و هاوسه‌رگیرى ئه‌نجام بده‌ن.
وه‌رگێڕان / سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.