پرۆژه‌یاسای بودجه‌ی گشتی بۆ ساڵی 2018 گه‌یشتوه‌ته په‌رله‌مانی عیراق و بڕیارده‌ری لیژنه‌ی دارایش له په‌رله‌مانی عیراق ده‌ڵێت، تائێستا دیارنییه كه پشكی كورد هه‌ر وه‌ك خۆی ماوه یان ده‌ستكاری كراوه.
ئه‌حمه‌د حاجی ره‌شید بڕیارده‌ری لیژنه‌ی دارایی له په‌رله‌مانی عیراق راگه‌یاند: به‌پێی زانیارییه‌كانی من دوانیوه‌ڕۆی ئه‌مڕۆ 29-11-2017 پرۆژه‌یاسای گشتی بودجه‌ی عیراق بۆ ساڵی 2018 گه‌یشتوه‌ته په‌رله‌مانی عیراق و له‌داهاتوودا ده‌خرێته كارنامه‌ی دانیشتنه‌كانی په‌رله‌مانه‌وه.
وتیشی: تائێستا دیارنیه كه پشكی هه‌رێم له‌پرۆژه‌یاسای بودجه‌ی عیراق بۆ ساڵی داهاتوو وه‌ك ئه‌وه‌ی له‌ئه‌نجومه‌نی وه‌زیران په‌سه‌ندیكردوه كه بڕه‌كه‌ی 12.67 بوو، وه‌ك خۆیه‌تی یان ده‌ستكاری كراوه.
کۆمێنت (0)
تا ئێستا هیچ کۆمێنتێک نەکراوە.