روانگەی سوریا بۆ مافەكانی مرۆڤ رایگەیاند لە ئاكامی هێرشێكی ئاسمانی روسیا بۆ سەر گوندی شەعفە كە تا ئێستا ئەم گوندە لە ژێر كۆنترۆڵی چەكدارانی داعش دایە 53 كەس كوژران ، كە 21 یان منداڵن .
بەپێی سەرچاوەكە هێرشەكە ژمارەیەك باڵەخانەو خانووی لەو گوندە كردە ئامانج .
رامی عەبدولرحمان بەرێوەبەری روانگەكە روونیكردەوە كە هێرش ئاسمانیەكەی روسیا بۆ سەر خانووەكانی گوندی شەعفە سەر لە بەیانی دوێنێ ئەنجام درا كە ئەو گوندە دەكەوێتە رۆخ كەناری رۆژهەڵاتی روباری فورات .
بەپێی سەرچاوەكانی هەواڵ هێزەكانی رژێمی ئەسەد ئێستا لە 52%ی رووبەری پارێزگای دێرولزوری لە بەر دەستدایە و 39%ی رووبەرەكەی دیكەی لە ژێر كۆنترۆڵی هێزەكانی سوریای دیموكرات دایە كە بە درێژایی ناوچەیەكی فراوانی كەناری رۆژهەڵاتی رووباری فورات دژ بە تیرۆریستان دەجەنگن .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.