ئه‌مڕۆ ئەنجوومەنی وەزیران بۆ تاوتوێکردنی چوار تەوەر کۆدەبێتەوە

بڕیاره‌ ئەمڕۆ دووشەممە 27-11-2017 ئەنجوومەنی وەزیرانی هەرێمی كوردستان، بەسەرپەرشتی نێچیرڤان بارزانی بۆ تاوتوێکردنی چوار تەوەر كۆببێته‌وه‌.

تەوەری یەكەم: باسی سیاسەتی بەڕێوەبردنی خاشاك دەكرێت.

تەوەری دووم: راپۆرتێكی وەزارەتی خوێندنی باڵا و توێژینەوەی زانستی تاوتوێدەکرێت کە سەبارەت بە وەرگیرانی دەرچووانی ئامادەییەكان لە زانكۆ ‌و پەیمانگاكان بۆ ساڵی خوێندنی 2017  - 2018 ئامادەكراوە.

تەوەری سێیەم: گفتوگۆکردن لەبارەی پێڕەوی دامەزاندنی ئەنجوومەنی شارەوانییەكان.

تەوەری چوارەم: گفتوگۆکردن لەبارەی راپۆرتێكی وەزارەتی كاروباری شەهیدان و ئەنفالكراوان دەكرێت، كە لەبارەی رەوشی ئاوارەكانی كەركووك ‌و خورماتوو ئامادەی کردووە.