ته‌له‌ڤزیۆنی فه‌رمیی ئێران له‌سه‌ر زاری فه‌رمانده‌ی سووپای پاسدارانه‌وه بڵاوی كرده‌وه، كه سووپای پاسداران له ئاگربه‌ست له سووریادا ڕۆڵی كاریگه‌ری بینیوه‌و گوتیشی، بابه‌تی داماڵینی چه‌ك له حزبوڵڵای لوبنانی بۆ دانوستان له‌باره‌یه‌وه قه‌بووڵكراو نییه.
محه‌ممه‌د عه‌لی جه‌عفه‌ری فه‌رمانده‌ی سووپای پاسدارانی ئێران، داواكارى ئیمانویل ماكڕۆن سه‌رۆكی فه‌ڕه‌نسا له‌باره‌ی چالاكیی سیستمی به‌رگریی مووشه‌كییه‌وه به ناراست ده‌زانێت و ده‌لێت" ماكرۆن گه‌نجێكی كه‌مئه‌زموونه و چه‌ك داماڵینیش له حزبوڵلای لوبنانی قه‌بووڵ ناكه‌ین.
جه‌عفه‌ری ڕه‌تی كرده‌وه هیچ دانوستانیك له‌باره‌ی به‌رنامه‌ی سیستمی مووشه‌كی بالیستیی ئێرانه‌وه له‌ئارادا بێت، وه‌ك ئه‌وه‌ی فه‌ڕه‌نسا و وڵاتانی ڕۆژاوایی داوای ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.