جێمز ووڵسى به‌ڕێوبه‌رى پێشووى سى ئاى ئه‌ى له چاوپێكه‌وتنێیكدا له‌گه‌ڵ ڕوژنامه‌ى ئۆرشه‌لیم پۆستدا ڕایگه‌یاند: ده‌بێت ئه‌مریكا بنكه‌كانى سوپاى پاسدارانى ئێران و داممه‌زراوه ئه‌تومییه‌كانى ئه‌و وڵاته له‌ناوببات ئه‌مه‌ش له كاتێكدایه كه ئه‌مریكا ئێرانى به سه‌رچاوه‌ى ناسه‌قامگیرى له ڕ‌وژهه‌ڵاتى ناوه‌ڕاست داده‌نێت.
جێمز ووڵسى ئاماژه‌ى به‌وه كردووه بۆ كه‌مكردنه‌وه‌ى هه‌ڕه‌شه ئه‌تۆمى و تیرۆرستییه‌كانى ئێران، ده‌بیت ئه‌مریكا به‌فه‌رمى بنكه‌كانى سوپاى پاسداران و دامه‌زراوه‌كانى ناوه‌كى ئه‌و وڵاته له ناوببات.
هه‌روه‌ها وتیشى ده‌ستبه‌رداگرتنى كه‌شتییه ئه‌مریكیه له‌لایه‌ن ئێرانه‌وه له نزیك دوورگه‌ى فارس له مانگى كانونى دووه‌مى 2016 دا، به‌مه‌به‌ستى شه‌ڕ بوو له‌لایه‌ن ئێرانه‌وه.
ووڵسى وتیشى پێویسته له‌به‌رى ئه‌وه‌ى ته‌نیا قسه بكرێت ده‌بێت به كرده‌وه هه‌ر شتێك كه په‌یوه‌ندى به سوپاى پاسدارانى ئێرانه‌وه‌یه له‌ناوببرێت.
له درێژه‌ی قسه‌كانى ڕایگه‌یاند: جارێكى دیكه كه سوپا به جۆرێك چاوى له ئیمه كرد ده‌بێت 6 تا 12 بۆمبى 7 تونى به‌سه‌ر بنكه‌كانیان دابده‌ین .
جێمز ووڵسى به‌ڕێوه‌به‌رى پێشوى سى ئاى ئه‌ى بووه له ماوه‌ى ساڵه‌كانى 1993 تا 1995 له ئیداره‌ى بیڵ كڵنتن بووه كه سه‌رۆكى پێشووى ئه‌مریكا بوو .
له THE JEURSALEM POST
وه‌رگێڕان سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.