هه‌ردوو وڵاتی عێراق و ئێران وه‌ك بنه‌ما رێككه‌وتوون كه رۆژانه بڕی 30 بۆ 60 هه‌زار به‌رمیل نه‌وت له كه‌ركووكه‌وه هه‌نارده‌ی ئێران بكرێت.
به‌پێی راگه‌یه‌ندراوێك كه له‌لایه‌ن وه‌زاره‌تی نه‌وتی ئێرانه‌وه بڵاوكراوه‌ته‌وه، وه‌زیری نه‌وتی عێراق، جه‌بار لعێبی، ئاماژه‌ی به‌وه كردووه كه هه‌ردوو وڵات وه‌ك بنه‌ما رێككه‌وتوون كه رۆژانه بڕی 30 بۆ 60 هه‌زار به‌رمیل نه‌وت له كه‌ركووكه‌وه هه‌نارده‌ی ئێران بكرێت.
لعێبی باسی له‌وه كرد كه رێككه‌وتنه‌كه له‌نێوان كۆمپانیای نه‌وتی به‌بازاڕكردنی نه‌وتی عێراق سۆمۆ و لایه‌نی ئێران له به‌غدا كراوه و، رێژه‌ی ئه‌و نه‌وته‌ی هه‌نارده ده‌كرێت دوای بونیاتنانی بۆری گواستنه‌وه‌ی زیاد ده‌كرێت.
به‌گوێره‌ی ئه‌و رێككه‌وتنه‌ی وه‌زیری نه‌وتی عێراق ئاماژه‌ی بۆ كردووه، ئه‌و نه‌وته‌ی هه‌نارده ده‌كرێت به تانكه‌ر ده‌گوازرێته‌وه بۆ سنووری نێوان هه‌ردوو وڵات.
کۆمێنت (0)
تا ئێستا هیچ کۆمێنتێک نەکراوە.