ڕاكان جبوورى، كه له‌لایه‌ن میلیشیاكانى حه‌شدى شه‌عبییه‌وه به پارێزگاى كه‌ركووك دیاری كراوه، ڕایگه‌یاند: "ژماره‌ى هێزه‌كان و پۆلیس له پارێزگاكه كه‌مه و پێویستمان به‌هێزى سه‌ربازى زیاتره، چونكه ڕووبه‌رى پارێزگاكه فراوانه و كۆنترۆڵ ناكرێت.
پارێزگاره‌كه‌ى حه‌شدى شه‌عبى له كه‌ركووك، دواى ئه‌نجامدانى دوو ته‌قینه‌وه‌ى خۆكوژى له دوو باره‌گاى میلیشیاكانى سه‌ر به ئێران، داواى له عه‌بادى كرد، هێزی سه‌ربازی زیاتر ڕه‌وانه‌ى پارێزگاكه بكات.
ئه‌مڕۆ دوو ته‌قینه‌وه له دوو باره‌گاى میلیشیاكانى سه‌رایا سه‌لام و عه‌سائیب ئه‌هلولحه‌ق له ناو كه‌ركووك ڕوویاندا و له ئه‌نجامدا كه‌سێك كوژرا و 16ى دیكه‌ش بریندار بوون.
کۆمێنت (0)
تا ئێستا هیچ کۆمێنتێک نەکراوە.