گوتەبێژی فەرمی میلیشیای حزبوڵای عێراقی كە بەشێكە لە میلیشیاكانی حەشدی شەعبی شیعی عێراق و لەلایەن ئێرانەوە بەڕێوە دەبرێن، رایگەیاند ئێمە شانازی دەكەین كە دوژمنی ئەمریكاین.
میلیشیای حزبوڵای عێراقی لە پاڵ میلیشیای عەسائیبی ئەهلی حەق، ڕۆڵی سەرەكیان گێڕا لە هێرشەكانیان بۆ سەر كوردستان، هاوكاری سوپای پاسدارانی ئێرانیان كرد. بە جۆرێك چەكدارانی ئەو میلیشیایە بە سواری تانكی ئەبرامزی ئەمریكی هێرشیان كردە سەر كوردستان و كەركووك و چەندین ناوچەی كوردستانیان داگیر كرد.
جەعفەر حوسەینی گوتەبێژی سەربازی بە ناوی كەتایبی حزبوڵای عێراقی كە یەكێ لە میلیشیا گەورەكانی حەشدی شەعبیە رایگەیاند ئەمریكا لە 2010وە دەستی كردووە بە ریزبەندكردنی میلیشیاكان لە لیستی تیرۆری خۆیدا، بۆ ئێمە شانازیە دوژمنی ئەمریكا بین.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.