بنیامین نه‌تانیاهۆ سه‌رۆك وه‌زیرانی ئیسرائیل رایگه‌یاند، كه ئێران تۆڕێكی تیرۆریستی له رۆژهه‌ڵاتی ناوه‌ڕاست دروست كردووه.
سه‌رۆك وه‌زیرانی ئیسرائیل له كۆبوونه‌وه‌ی هه‌فتانه‌ی حكوومه‌ته‌كه‌ی، رایگه‌یاند، ئیسرائیل دژایه‌تی رێككه‌وتنی ئه‌تۆمیی وڵاتانی پێنج كۆ یه‌كه له‌گه‌ڵ ئێران، چونكه به‌هۆی ئه‌و رێككه‌وتنه ئێران ده‌بێته خاوه‌نی چه‌كی ناوه‌كی.
بنیامین نه‌تانیاهۆ ئێرانی به دروستكردنی تۆڕێكی تیرۆریستی له رۆژهه‌ڵاتی ناوه‌ڕاست تۆمه‌تبار كرد و جه‌ختی كرده‌وه كه له به‌رژه‌وه‌ندیی ئه‌مریكا، رووسیا و وڵاتانی عه‌ره‌بی نییه رێگا به ئێران بده‌ن ببێته خاوه‌نی چه‌كی ئه‌تۆمی، چونكه ئێران ده‌یه‌وێ ده‌ست به‌سه‌ر رۆژهه‌ڵاتی ناوه‌ڕاستدا بگرێت.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.