ئیبراهیم جه‌عفه‌ری وه‌زیری ده‌ره‌وه‌ی عێراق له بڕیاریكی نوێیدا، 40 فه‌رمانبه‌ری گواسته‌وه كه سه‌رجه‌میان سونه مه‌زهه‌بن، ئه‌مه‌ش لایه‌نه سونه‌كانی به‌ته‌واوه‌تی نیگه‌ران كردووه.
په‌رله‌مانتار ئه‌حمه‌د مه‌ساری، ئه‌مینداری گشتی حزبی حه‌قی نیشتمانی و ئه‌ندامی ئه‌نجومه‌نی سه‌رۆكایه‌تی هاوپه‌یمانی هیزه نیشتمانییه‌كان (سوننه‌كان) له به‌یاننامه‌یه‌كدا ڕایگه‌یاند: به ئازارێكی زۆره‌وه بڕیاری دوورخستنه‌وه‌ی 40 فه‌رمانبه‌ری دیپلۆماسی و ئیداره‌ی وه‌زاره‌تی ده‌ره‌وه‌مان پێگه‌یشت كه هۆكاره‌كانی ناپیشه‌یی و نایاسایی و ناده‌ستوورین، هه‌وڵه‌كانی ئاشته‌وایی نیشتمانیش له‌بار ده‌بات كه هه‌موو لایه‌نه‌كان هه‌وڵی بۆ ده‌ده‌ین.
ئه‌حمه‌د مه‌ساری، له به‌یاننامه‌كه‌دا ڕایگه‌یاندووه: ئه‌م جۆره بڕیارانه وامان لێده‌كات گومان له ئاشته‌وایی نیشتمانی بكه‌ین و په‌یامێكی نه‌رێنیش بۆ عێراقییه‌كان ده‌نێرێت.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.