حه‌شدی شه‌عبی رێگه‌ی نه‌داوه هێزه‌كانی حه‌شدی عه‌شایه‌ری سوننه‌كان به‌شداری له كۆنترۆڵكردنه‌وه‌ی حه‌ویجه‌دا بكه‌ن.
ئیسماعیل حه‌دیدی سه‌رۆكی ته‌جه‌موعی عه‌ره‌بی له كه‌ركوك به مالًپه‌ری ده‌زگای سه‌ته‌لایتی كوردستانی راگه‌یاند: حه‌شدی شه‌عبی رێگه‌ی به چوونه ژوره‌وه‌ی هێزه‌كانی حه‌شدی عه‌شایه‌ری سوننه‌كان نه‌داوه بچنه نێو حه‌وێجه، ئه‌وه‌ش له كاتێكدایه كه حه‌شدی عه‌شایه‌ری سوننه‌كان سه‌رجه‌مییان خه‌ڵكی ناوچه‌كه‌ن و مافی ئاسایی خۆیانه بگه‌رێنه‌وه زێدی خۆیان.
هه‌روه‌ها گوتی: له زۆربه‌ی ناوچه‌كان رێگری كراوه‌و رێگه‌یان نه‌داوه حه‌شدی عه‌شایه‌ری به‌شداری له رزگاركردنه‌وه‌ی ناوچه‌كانى سه‌ر به حه‌ویجه بكات.
حه‌دیدی گوتیشی: چه‌ندین گوندی سنووره‌كه هێشتا له ژێر كۆنترۆڵی داعشدان و بڕیاریش وایه حه‌شدی شه‌عبی ، به هه‌ماهه‌نگی له‌گه‌ڵ حه‌شدی عه‌شایه‌ری كۆنترۆڵی ئه‌و گوندانه بكاته‌وه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.