یانەی پاریس سانجێرمانی فەرەنسی ئامادەیە لە گواستنەوەی هاوینی داهاتوودا قوربانی بە ئیدینسۆن کاڤانی، هێرشبەری یانەکەی بدات و دەستبەرداری یاریزانەکە ببێت.
رۆژنامەی ئەی ئێسی ئیسپانی رایگەیاندووە، پاریس سانجێرمان بەهۆی گواستنەوەی نەیمار داسیلڤا بە 222 ملیۆن یۆرۆ و گواستنەوەی کیلیان ئێمباپێ بەشێوەی خواستن و تەواوکردنی کارەکانی گرێبەستەکەی بە 180 ملیۆن یۆرۆ رووبەڕووی کێشە بووەتەوە و پێشێلکردنی یاسای یاریی خاوێنیشی دراوەتە پاڵ.
رۆژنامەکە ئەوەشی راگەیاندووە، ئانتیرۆ هێنریکی، بەڕێوەبەری وەرزشی یانەکە پێشوازی لە دەستبەرداربوون لە کاڤانی دەکات بەرامبەر پارەیەکی گەورە و دوای ئەوەش هەوڵ بۆ گواستنەوەی ئەلێکسیس سانچێز دەدەن.
ئەی ئێس رایگەیاندووە، کێشەی پاریس سانجێرمان ئەوەیە کە ئارسیناڵ رایگەیاندووە دەستبەرداری سانچێز نابێت، هەرچەند ئەو یاریزانە دەیەوێت یانەکە بەجێبهێڵێت و هاوینی رابردووش نزیکبوو پەیوەندی بە مانچێستەر سیتی بکات.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.