جوتیاره نموونه‌ییه‌كه‌ى كورد و هه‌ڵه‌بجه‌ى كوردان، ئازاد محمد، دواى ئه‌وه‌ى جۆرێك بۆنى چایى فه‌ڕه‌نسى به‌ده‌ست ده‌گات، هه‌وڵده‌دات خۆى به‌رهه‌مى بهێنێ و بۆ ئه‌م مه‌به‌سته‌ش موتوربه‌ى بامیه‌ى ده‌كات.
له‌وه‌ڵامى ئه‌و پرسیاره‌ى كه بۆ موتوربه‌ى بامیه‌ى كردووه، ئازاد محمد ده‌ڵێت: هه‌ستم كرد جۆره لینجییه‌ك له بۆنه چاییه‌كه‌دا هه‌یه، بۆیه موتوربه‌ى بامیه‌م كرد چونكه بامیه‌ش لینجه.
ئازاد محمد ئه‌مڕۆ له ئه‌كاونتى تایبه‌تى خۆى له فێیس بووك، چه‌ند وێنه‌یه‌كى بۆنه چایه‌كه‌ى داناوه و نووسیویه‌تى، سوپاس بۆ خواى گه‌وره موتوربه‌ى بۆنه چاییه‌كه له‌سه‌ر بامێ سه‌ركه‌وتوو بوو گووڵیشى كردووه و زۆریش به‌هێزه.
یه‌كه‌م جاره له‌م جۆره بۆنه چاییه له كوردستان به‌رهه‌م ده‌هێنرێت ویه‌كه‌م و دوا داهێنانى كاك ئازادى جوتیاریش نییه، ئه‌گه‌ر سه‌یرى فێیس بووكه‌كه‌ى كاك ئازاد بكه‌ین ده‌بینین كه ئه‌مه دڵۆپێكه له ده‌ریایه‌ك.
ئارام كاكه‌خان .. Kurdistan tv
کۆمێنت (0)
تا ئێستا هیچ کۆمێنتێک نەکراوە.