كاتژمێر 8ی به‌یانی ئه‌مرۆ دووشه‌ممه 25/9/2017، ده‌رگای بنكه‌كانی ده‌نگدانی گشتی له گشت شارو شارۆچكه‌كانى هه‌رێمی كوردستان و ناوچه كوردستانییه‌كانی ده‌ره‌وه‌ی ئیداره‌ی هه‌رێمی كوردستان، بۆ ریفراندۆمی سه‌ربه‌خۆیی كوردستان به رووی 5 ملیۆن ده‌نگده‌ردا كرایه‌وه‌و هاووڵاتیان به‌ره‌و سنده‌وقه‌كانی ده‌نگدان به‌رێكه‌وتن و ده‌نگی خۆیاندا و پرۆسه‌كه‌ش له كاتژمێر 7ی ئێواره به سه‌ركه‌وتوویی و بێ كێشه‌و گرفت كۆتایی هات.
به‌م بۆنه‌یه‌وه له شارەكانی ڕۆژهەڵاتى كوردستان ئاهەنگی خۆشى و شادى بۆ ریفراندۆمی سەربەخۆیی كوردستان ده‌ستیپێكردو هاولاتیانى تێكڕای شارەكانی بانە و مەریوان و سنە و بۆكان خرۆشان و هاتنه سه‌ر شه‌قامه‌كان و شاهی و خۆشحالى خۆیان به سه‌ركه‌وتنى پرۆسه‌ى ریفراندۆمى سه‌ربه‌خۆیی له هه‌رێمى كوردستان نیشاندا.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.