وه‌زیری گومرك و بازرگانی توركیا، رایده‌گه‌ێنێت، ده‌روازه‌ی سنووری خابوور دانه‌خراوه‌و ئه‌وانه‌ی دێنه سنوور، وردتر كۆنترۆڵده‌كرێن.
بوله‌نت توفه‌نكجی وه‌زیری گومرك و بازرگانی توركیا رایگه‌یاند:له ئێستادا ده‌روازه‌ی سنووری خابوور دانه‌خراوه و ئه‌وانه‌ی له‌لایه‌نی عێراقه‌وه دێن وردتر كۆنترۆڵده‌كرێن و رێگه‌یان پێده‌ده‌ین تێپه‌ڕن.
هه‌روه‌ها گوتی: هه‌ندێ له شۆفێره بارهه‌ڵگره‌كانی توركیا، بۆ خۆیان نایانه‌وێت به سنووردا تێپه‌ڕن.
ئه‌م لێدوانه‌ی وه‌زیری گومرگ و بازرگانی له كاتێكدایه ،كه هه‌ندێك كه‌ناڵی عه‌ره‌بی ده‌نگوێ ئه‌وه‌یان بڵاوكردبۆوه ،كه گوایه توركیا سنووری خۆی له‌گه‌ڵ هه‌رێمی كوردستان داخستووه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.