ئه‌ندامێكی ده‌سته‌ی كارگێڕی مه‌كته‌بی سیاسی یه‌كێتی نیشتمانی كوردستان به كۆسره‌ت ره‌سول عه‌لی ده‌ڵێت، ئه‌گه‌ر ریفراندۆم له كه‌ركوك و ناوچه دابڕێنراوه‌كانی تر نه‌كرێ , ڕاگرتنی باشتره.
به پێی هه‌واڵێكی رووداو نێت ،حاكم قادر ئه‌ندامی ده‌سته‌ی كارگێڕی مه‌كته‌بی سیاسی یه‌كێتی نیشتمانی كوردستان، له نامه‌یه‌كیدا بۆ كۆسره‌ت ره‌سول عه‌لی جێگری سكرتێری گشتی یه‌كێتی ده‌نووسێت: ڕیفراندۆم بۆ سه‌ربه‌خۆی مافێكی دیموكراتیانه‌و ڕه‌وای گه‌لی كوردستانه وه‌ك مافی چاره‌نوس بۆگه‌لی كوردستان له هه‌رێم و ناوچه كوردستانییه‌كان،ئه‌مه بڕیارو هه‌ڵوێستی یه‌كێتی بووه.
هه‌روه‌ها ده‌ڵێ: پێویسته ڕیفراندۆم بۆ سه‌ربه‌خۆیی به‌گشتی ئه‌نجام بدرێت و هه‌ڵوێستمان ئاشكراو ڕوون بووه وه‌ك یه‌كێتی له‌سه‌ر پرسی ڕیفراندۆم بۆ سه‌ربه‌خۆیی، كه مافێكی ره‌وا و حاشاهه‌ڵنه‌گری گه‌لی كوردستانه له‌سه‌ر بنه‌ماكانی جاری جیهانی مافه‌كانی مرۆڤ.
ده‌شڵێ: ئه‌گه‌ر له كه‌ركوك و ناوچه دابڕێنراوه‌كانی تر نه‌كرێ , له‌ڕووی سیاسی و نیشتمانی و نه‌ته‌وه‌ی و مێژووییه‌وه نادروسته،له‌به‌رئه‌وه به‌بێ كه‌ركوك و ناوچه دابڕێنراوه‌كان ڕیفراندۆم بكرێت ، ڕاگرتنی باشتره له ئێستادا به‌و مه‌رجه‌ی به هه‌موو لایه‌ك هه‌وڵ بده‌ین ڕێگاچاره‌یه‌كی گونجاوی ئه‌وتۆ بدۆزینه‌وه كه له به‌رژه‌وه‌ندی گه‌لی كوردستاندا بێت به گشتی.
كوردستان تیڤی: رزگارتاهیر
کۆمێنت (0)
تا ئێستا هیچ کۆمێنتێک نەکراوە.