ئه‌نجوومه‌نی وه‌زیرانی هه‌رێمی كوردستان ڕۆژی سێشه‌مه كۆده‌بێته‌وه و سێ ته‌وه‌ری سه‌ره‌كی تاوتوێده‌كات.
بریاره كۆبوونه‌وه‌كه‌ی ئه‌نجوومه‌نی وه‌زیرانی هه‌رێمی كوردستان سێ ته‌وه‌ر له‌خۆ بگرێت، ته‌وه‌ری یه‌كه‌م ، تایبه‌ت به ڕاپۆرتی وه‌زاره‌تی شاره‌وانی ده‌بێت و تێیدا سیسته‌م و په‌یڕه‌وێكی تایبه‌ت به دامه‌زراندنی ئه‌نجوومه‌نی شاره‌وانییه‌كان ده‌خرێته ڕوو و گه‌نگه‌شه ده‌كرێت.
ته‌وه‌رێكی دیكه‌ی كۆبوونه‌وه‌كه‌ی ئه‌نجومه‌نی وه‌زیران، تایبه‌ته به ڕاپۆرتێكی وه‌زاره‌تی بازرگانی و پیشه‌سازی كه پێشنیاری كردبوو، گۆڕانكاری له بڕی باج و ڕسووماتدا بكرێت.
هه‌روه‌ها گفتوگۆكردن له‌سه‌ر بابه‌تی جگه‌ره و شێوازی هاورده‌كردنی و به‌ره‌هه‌مهێنانی له ناوخۆی هه‌رێمی كوردستاندا ، دوا ته‌وه‌ری كۆبونه‌وه‌كه ده‌بێت.
كوردستان tv : ئا / رزگار تاهیر
کۆمێنت (0)
تا ئێستا هیچ کۆمێنتێک نەکراوە.