ئێوارەی ئەمڕۆ یەكشەممە ئاگر لە نەخۆشخانەیەكی تایبەتی شاری بەغدای پایتەختی بەغدا كەوتەوە و تیمەكان توانیان زیاتر لە 60 نەخۆش و كارمەندانی نەخۆشخانەكە بەسەلامەتی بهێننە دەرەوە و رزگاریان بكەن.
ئاگرەكە ئێوارەی ئەمڕۆ لە نەخۆشخانەی (ئەندەلوس)ی ئەهلی لە ناوچەی شەقامی سەعدوون لە ناوەڕاستی شاری بەغدا كەوتەوە.
بەڕێوەبەرایەتی گشتیی بەرگریی شارستانی رایگەیاند: تیمەكانمان بە خێرایی گەیشتە شوێنی رووداوەكە و توانیان 60 نەخۆش و كارمەندی نەخۆشخانەكە دەربهێنن و رزگاریان بكەن.
بەڕێوەبەرایەتییەكە ئاماژەی بەوەشدا كە توانرا لە ماوەیەكی كەمدا ئاگرەكە كۆنتڕۆڵ بكرێت، خۆشبەختانە لە رووداوەكەدا هیچ قوربانییەكە نەكەوتەوە.
کۆمێنت (0)
تا ئێستا هیچ کۆمێنتێک نەکراوە.