میدیاكانی ئێران دەستپێكردنی وەڵامی توندی سوپای ئێرانی بۆ هێرشەكانی ئەمشەوی ئەمریكا بۆ سەر پارێزگاكانی باشووری ئێران راگەیاند.
ئاژانسی (تەسنیم) بڵاوی كردەوە: كەمێك پێش ئێستا وەڵامی سوپای ئێران بۆ دوایین هێرشی ئەمریكا دەستی پێ كرد.
بڵاویشی كردەوە كە سوپای ئێران بە مووشەك و درۆن هێرش دەكاتە سەر بنكە و بەرژەوەندییەكانی ئەمریكا لە ناوچەكەدا.
سوپای ئەمریكا ئەمشەو سێشەممە دەستپێكردنی زنجیرەیەك هێرشی دیكە و نوێی بۆ سەر چەند ئامانجێكی سوپای پاسداران لە باشووری ئێران راگەیاند.
دۆناڵد ترەمپ سەرۆكی ئەمریكا دوای ئەنجامدانی هێرشەكان، جەختی كردەوە كە ئەگەر ئێران وەڵامی بۆ هێرشەكان هەبێت، گورزێكی بەهێزتر و كوشندەتری لێ دەدەن.
لەبەرامبەریشدا سوپای پاسداران دووپاتی كردەوە كە بەدڵنیاییەوە وەڵامیان بۆ هێرشەكان دەبێت و گوێ بە هەڕەشەكانی دۆناڵد ترەمپ ناگرن.
کۆمێنت (0)
تا ئێستا هیچ کۆمێنتێک نەکراوە.