سەرۆکایەتیی شارەوانیی هەولێر ڕایگەیاند، لە چوارچێوەی هەڵمەتێکی بەردەوامدا بۆ چاککردنەوەی شەقامەکان، بەشێکی دیکەی کۆڵان و شەقامە تێکچووەکانی شاری هەولێر قیڕتاو کران.
ئەمڕۆ هەینی 10ـی تەمووز، سەرۆکایەتیی شارەوانیی هەولێر بڵاوی کردەوە، تیمی چاککردنەوەی شەقامەکان لە هەر شەش بەڕێوەبەرایەتیی شارەوانی، بە بەکارهێنانی زیاتر لە 305 تۆن قیڕی بەرهەمهاتووی کارگەی قیڕی سەرۆکایەتیی شارەوانی، ڕووبەری 1900 مەتر دووجا شەقام و کۆڵانیان نۆژەن کردووەتەوە.
شارەوانیی هەولێر ئاماژەی بەوەش کردووە، هەڵمەتەکە هەر یەک لە گەڕەکەکانی (ڕزگاری - کورانی مەخموور، گەڕەکی نازناز، هەولێری نوێ، زانکۆ 99 و جووتسایدی 18ـی شوبات)ـی گرتووەتەوە. هەروەها بەشێکی شەقامی 100 مەتری و ڕێگای گشتیی بنەسڵاوە لە چوارچێوەی هەمان پڕۆژە چاک کراونەتەوە.
کۆمێنت (0)
تا ئێستا هیچ کۆمێنتێک نەکراوە.