هێڵە ئاسمانییەکانی عێراق ڕایگەیاند، گەشتی ڕاستەوخۆ لە فڕۆکەخانەی کەرکووکەوە بۆ شاری ئەنتاڵیای تورکیا دەست پێ دەکات و دوو گەشت لە هەفتەیەکدا لە ڕۆژانی سێشەممە و هەینیدا دەبێت.
ئەمڕۆ دووشەممە 6ـی تەمووز، هێڵە ئاسمانییەکانی عێراق دەستپێکردنی گەشتە ڕاستەوخۆکانی لە نێوان کەرکووک و ئەنتاڵیا لە 14ـی تەمووزەوە ڕاگەیاند.
کۆمپانیای هێڵە ئاسمانییەکانی عێراق لە ڕاگەیەندراوێکدا بڵاوی کردووەتەوە، ڕێڕەوێکی نوێی بۆ گەشتەکانی لە فڕۆکەخانەی کەرکووکەوە بەرەو شاری ئەنتاڵیای تورکیا کردووەتەوە، ئەمەش هاوکاتە لەگەڵ پشووی هاوین و زیادبوونی ژمارەی گەشتیاران.
لەبارەی کاتی گەشتەکان، مەناف عەبدولمونعم، بەڕێوەبەری گشتیی کۆمپانیاکە ڕایگەیاند: "قۆناغی نوێی کارپێکردنی ئەم هێڵە بریتی دەبێت لە دوو گەشت لە هەفتەیەکدا و لە ڕۆژانی سێشەممە و هەینیدا دەبێت".
هەروەها ئاماژەی بەوە کرد، کار دەکەن بۆ فراوانکردنی تۆڕی گەشتەکانی هێڵی ئاسمانیی نیشتمانی، بە مەبەستی پڕکردنەوەی ئەو خواستە زۆرەی کە لە وەرزی هاویندا بۆ گەشتکردن هەیە.
کۆمێنت (0)
تا ئێستا هیچ کۆمێنتێک نەکراوە.