بەڕێوەبەرایەتیی گشتیی کەشناسی و بومەلەرزەزانی هەرێمی کوردستان، ڕەوشی کەشوهەوای 48 کاتژمێری داهاتووی خستەڕوو و ڕایگەیاند، پلەی گەرما کەمێک دادەبەزێت.
ئەمڕۆ هەینی 3ـی تەمووز، بەڕێوەبەرایەتیی کەشناسی و بومەلەرزەزانی هەڕێم ڕایگەیاند: ئاسمان بە گشتی ساماڵ دەبێت، لەگەڵ بەرزبوونەوەی تۆزوخۆڵێکی سووک بەتایبەت لە ناوچەکانی باشوور و ڕۆژئاوای هەرێم. پلەی گەرما نزیک دەبێت لە تۆمارکراوەکانی دوێنێ.
بۆ سبەی شەممە 4ـی تەمووز، بە پێی پێشبینەکانی کەشناسی، ئاسمان بە ساماڵی دەمێنێتەوە، بەڵام پلەی گەرما بە 1 بۆ 2 پلەی سیلیزی نزم دەبێتەوە بەراورد بە ئەمڕۆ. لە کاتەکانی بەیانیدا ڕێژەی تۆزوخۆڵ لە ناوچەکانی باشوور و ڕۆژئاوای هەرێم زیاتر دەبێت و مەودای بینین بۆ 7 بۆ 9 کیلۆمەتر کەم دەبێتەوە.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:
| شار و ناوچە جیاجیاکانی هەرێمی کوردستان | هەینی | شەممە |
| هەولێر | 41 | 40 |
| سلێمانی | 40 | 38 |
| دهۆک | 40 | 39 |
| هەڵەبجە | 42 | 43 |
| چەمچەماڵ | 43 | 42 |
| زاخۆ | 41 | 39 |
| پیرمام | 39 | 38 |
کۆمێنت (0)
تا ئێستا هیچ کۆمێنتێک نەکراوە.