سەرۆکایەتیی شارەوانیی هەولێر ڕایگەیاند، دەستیان بە لادانی زێدەڕۆییەکانی سەر موڵکی گشتی کردووە، هەڵمەتەکە شەقامی 60 مەتری و بازاڕی لەنگەی نوێی گرتووەتەوە و شارەوانی دەڵێت، بۆ پاراستنی سیمای شار بەردەوام دەبن.
بەپێی ڕاگەیەندراوێکی سەرۆکایەتیی شارەوانیی هەولێر، لە چوارچێوەی کارەکانی ڕێکسختنەوەی بازاڕ و شوێنە گشتییەکان و پاراستنی سیمای شار، تیمەکانی بەڕێوەبەرایەتیی شارەوانیی چوار بە هەماهەنگی لەگەڵ پۆلیسی شارەوانی، چەندین زێدەڕۆییان لە سنووری کارکردنیان لادا.
لە ڕاگەیەندراوەکەدا هاتووە، هەڵمەتەکە هەریەکە لە دووسایدی منارە، بازاڕی لەنگەی نوێ و شەقامی 60 مەتریی نزیک بازاڕی ئیسکانی گرتووەتەوە.
شارەوانیی هەولێر جەخت دەکاتەوە، ئەم هەڵمەتە لە ڕێگەی هەر شەش بەڕێوەبەرایەتییەکەی شارەوانییەوە چڕتر کراونەتەوە و لە تەواوی سنووری سەرۆکایەتیی شارەوانیی هەولێر بەردەوام دەبن.
کۆمێنت (0)
تا ئێستا هیچ کۆمێنتێک نەکراوە.