کارەکانی پڕۆژەی ئاوی گۆپتەپە - چەمچەماڵ کە بە یەکێک لە گرنگترین پڕۆژە ستراتیژییەکانی هەرێمی کوردستان و سنووری پارێزگای سلێمانی دادەنرێت، بەردەوامییان هەیە و تیمە تەکنیکییەکان لە هەوڵی تەواوکردنی قۆناغەکانی پڕۆژەکەدان.
بەپێی زانیارییەکانی سەرپەرشتیارانی پڕۆژەکە، کارەکان لە چەند قۆناغێکی جیاوازدا لە ناوچەی گۆپتەپە و بەدرێژایی هێڵی گواستنەوەی ئاوەکە بەرەو قەزای چەمچەماڵ بەڕێوەدەچن. پڕۆژەکە پشت بە سەرچاوەی ئاوی ڕووباری زێی بچووک دەبەستێت و بڕیارە بڕی پێویست ئاوی خاوێن بۆ دانیشتووانی قەزاکە و ناحیە و گوندەکانی دەوروبەری دابین بکات. کارکردن لە پڕۆژەکەدا بەپێی ئەو پلانە کاتییەی بۆی دانراوە بەردەوامە تاوەکو لە زووترین کاتدا بخرێتە خزمەت هاووڵاتییانەوە.
قەزای چەمچەماڵ بۆ ماوەی چەندین ساڵە بەدەست کێشەی کەمیی ئاوی خواردنەوەوە دەناڵێنێت و دانیشتووانەکەی بۆ دابینکردنی ئاو پشتیان بە تانکەر و بیرەکان بەستووە. پڕۆژەی ئاوی گۆپتەپە - چەمچەماڵ وەک چارەسەرێکی ڕیشەیی بۆ ئەم قەیرانە و پاش داواکارییەکی زۆری هاووڵاتییان، خراوەتە واری جێبەجێکردنەوە و بودجەی پێویستی بۆ تەرخان کراوە، کە چاوەڕوان دەکرێت دوای تەواوبوونی، کۆتایی بە کێشەی بێئاوی لە ناوچەکە بهێنێت.
کۆمێنت (0)
تا ئێستا هیچ کۆمێنتێک نەکراوە.