دۆناڵد ترەمپ، سەرۆکی ویلایەتە یەکگرتووەکانی ئەمریکا ڕایگەیاند، هیچ لارییەکی نییە لەوەی هەڵبژاردەی تۆپی پێی ئێران بەشداریی یارییەکانی مۆندیالی 2026 بکات کە بڕیارە لە ئەمریکا، کەنەدا و مەکسیک بەڕێوە بچێت.
لە لێدوانێکی ڕۆژنامەوانیدا سەبارەت بە ئامادەکارییەکانی وڵاتەکەی بۆ میوانداریکردنی جامی جیهانی، ترەمپ ئاماژەی بەوە کرد کە سەرەڕای ئاڵۆزییە سیاسییەکان، وەک وڵاتێکی میواندار کێشەی نییە لەوەی هەڵبژاردەی ئێران لە ناو خاکی ئەمریکادا یاری بکات، ئەگەر هەڵبژاردەکە بگاتە یارییەکانی مۆندیال.
ئەم لێدوانەی ترەمپ وەک ئاماژەیەک بۆ جیاکردنەوەی وەرزش لە ململانێیە سیاسییەکان لێکدەدرێتەوە، بەتایبەت کە مۆندیالی 2026 گەورەترین ڕووداوی وەرزشی دەبێت لە مێژوودا و بۆ یەکەمجار 48 هەڵبژاردە تێیدا بەشدار دەبن. شارەزایانیش پێیان وایە ئەم جۆرە لێدوانانە دەکرێت کەمێک لە گوشارە دیپلۆماسییەکانی نێوان واشنتن و تاران کەم بکاتەوە لە چوارچێوەی "دیپلۆماسییەتی وەرزشی"دا.
کۆمێنت (0)
تا ئێستا هیچ کۆمێنتێک نەکراوە.