حکوومەتی بەریتانیا بە فەرمی ئاستی مەترسیی تیرۆری لە وڵاتەکەیدا بۆ پلەی "سەخت" (Severe) بەرزکردەوە، ئەم بڕیارەش دوای هێرشە "چەقۆکێشییەکەی" ناوچەی گۆڵدەرز گرین دێت کە تێیدا هاووڵاتییانی جوولەکە کرانە ئامانج.
بەپێی سیستمی ئەمنیی بەریتانیا، پلەی "سەخت" بەو مانایەیە کە ئەنجامدانی هێرشی تیرۆریستی لە وڵاتەکەدا "ئەگەرێکی زۆری هەیە" (Highly Likely). ئەم هەنگاوە دوای ئەوە دێت کە دوو پیاوی جوولەکە لە ناوچەی گۆڵدەرز گرین لە باکووری لەندەن بە چەقۆ هێرشیان کرایە سەر، ئەوەش نیگەرانییە ئەمنییەکانی لە وڵاتەکەدا گەیاندە لووتکە.
ئەم بەرزکردنەوەی ئاستی مەترسییە هاوکاتە لەگەڵ لێدوانە توندەکانی کیر ستارمر سەرۆک وەزیرانی بەریتانیا کە ئێرانی تۆمەتبار کردووە بەوەی لە ڕێگەی بریکارەکانییەوە هەوڵی ئازاردانی جوولەکە بەریتانییەکان دەدات. هێزە ئەمنییەکان و پۆلیسی لەندەن لە ئێستادا لە حاڵەتی ئامادەباشی تەواودان بۆ ڕێگری لە هەر هێرشێکی ئەگەری دیکە.
کۆمێنت (0)
تا ئێستا هیچ کۆمێنتێک نەکراوە.