بارانی ئەمساڵ بەشێوەیەكی گشتی لە سنووری پارێزگای هەولێر ئەوەندە باش بووە كە لە هەندێك شوێن 12 مەتر ئاوی ژێرزەوی بەرزكردۆتەوە، هەروەها هەندێك كانی و سەرچاوە بوژاونەتەوە كە چەندین ساڵە وشك ببوون.
پارێزگای هەولێر رایدەگەیەنێت: دوای ئەوەی ساڵی ڕابردوو وەک یەکێک لە وشکترین ساڵەکان لە مێژووی 100 ساڵی ڕابردوودا تۆمار کرا، بارانی ئەمساڵ لە سنووری هەولێر کە گەیشتووەتە 600 ملم، هاوکێشەکەی گۆڕی و بووە هۆی دووبارە تەقینەوە و بوژانەوەی ئەو کانی و سەرچاوانەی کە چەندین ساڵ بوو وشک ببوون.
گرنگترین گۆڕانکارییەکانی ئاستی ئاو بەپێی ناوچەکان:
• حەوزی پیرمام - شەقڵاوە: بەرزترین ڕێژەی تۆمارکردووە کە دەگاتە 12 مەتر و نیو.
• حەوزی چیای هەریر: ئاستی ئاوی ژێر زەوی زیاتر لە 2 مەتر زیادی کردووە.
• ناو شاری هەولێر: ئاستی ئاوەکە بە بڕی زیاتر لە مەترێک و نیو بەرزبووەتەوە.
بەپێی بۆچوونی شارەزایان، ستراتیژی دروستکردنی پۆند و بەنداوەکان لەلایەن حکوومەتی هەرێمی کوردستانەوە ڕۆڵێکی سەرەکی هەبووە لە کۆکردنەوەی ئاوی باران و سوود وەرگرتن لێی بۆ تێرکردنی حەوزە ئاوییەکانی ژێرزەوی، ئەمەش مژدەیەکی گەورەیە بۆ کەرتی کشتوکاڵ و دابینکردنی ئاوی خواردنەوە بۆ ساڵانی داهاتوو.
کۆمێنت (0)
تا ئێستا هیچ کۆمێنتێک نەکراوە.