ئیمانوێل ماکرۆن، سەرۆک کۆماری فەرەنسا، ئەمڕۆ هەینی داوای کرد کە لە زووترین کاتدا
سەقامگیری بۆ ناوچەی ڕۆژهەڵاتی ناوەڕاست بگەڕێتەوە. ئەم بانگەوازەی ماکرۆن دوای
ئەوە دێت کە دۆناڵد ترەمپ، سەرۆکی ئەمریکا ڕایگەیاندبوو کە "پەلەی نییە" لە
هەڵگیرسانی جەنگ دژی ئێران.
ماکرۆن پێش دەستپێکردنی کۆبوونەوەی سەرکردەکانی یەکێتیی ئەوروپا لە قوبرس، کە
ژمارەیەک لە سەرکردەکانی ڕۆژهەڵاتی ناوەڕاستیشی بۆ بانگهێشت کرابوو،
ڕایگەیاند: "پێموایە بەرژەوەندی هەموومان لەوەدایە کە لە زووترین کاتدا
سەقامگیری بگەڕێتەوە و ئابوورییەکانی جیهان هێور ببنەوە."
ئەم لێدوانەی سەرۆک کۆماری فەرەنسا وەک هەوڵێک بۆ هێورکردنەوەی ئەو گرژییە توندانەی
نێوان واشنتن و تاران دێت، کە ماوەیەکە ناوچەکەی خستووەتە لێواری جەنگێکی فراوان.
ماکرۆن جەخت لەوە دەکاتەوە کە سەقامگیریی سیاسی لە ڕۆژهەڵاتی ناوەڕاست کاریگەری
ڕاستەوخۆی لەسەر بازاڕەکانی جیهان و ئاسایشی ئابووری هەیە، بۆیە پێویستە
هەنگاوەکان بەرەو دیالۆگ و هێورکردنەوەی بارودۆخەکە بن.
کۆمێنت (0)
تا ئێستا هیچ کۆمێنتێک نەکراوە.