کەشناسی هەرێم: باران و هەورەترشقە ناوچە جیاجیاکان دەگرێتەوە

دیجیتاڵ میدیا بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی کەشوهەوای بۆ 48 کاتژمێری داهاتوو بڵاوکردەوە و ڕایگەیاند، سبەی هەینی شەپۆلێکی بارانبارین و هەورەترشقە ناوچە شاخاوییەکان و بەشێک لە شارەکانی

هەرێم دەگرێتەوە.

کەشناسی هەرێم سەبارەت بە ئەمڕۆ  پێنجشەممە پێشبینی دەکات؛ ئاسمانی هەرێم بە گشتی ساماڵ و پەڵەهەور دەبێت و لە هەندێک ناوچە دەگۆڕێت بۆ نیمچەهەور. پلەکانی گەرما بەراورد بە دوێنێ بە ڕێژەی 1 تا 2 پلە بەرز دەبنەوە.

سەبارەت بە سبەی هەینی کەشناسی دەڵێت؛ ئاسمان لە پەڵەهەورەوە بۆ نیمچەهەور دەگۆڕێت و لە هەندێک کاتدا دەبێتە هەوری تەواو. لە کاتەکانی نیوەڕۆدا، بارانبارین لە

ناوچەکانی ڕۆژهەڵات و باکووری هەرێم بە شێوەی گەواڵەبارانی بەهاری و هەورەترشقە دەست پێ دەکات. ڕێژەی بارانبارین لە ناوچە شاخاوییەکان زیاتر دەبێت و پێشبینی دەکرێت تا کاتەکانی ئێوارە تاوەباران و هەورەترشقە لە ناوچە جیاجیاکاندا بەردەوام بێت.

بەرزترین پلەکانی گەرمای پێشبینیکراو بۆ سبەی هەینی بە پلەی سیلیزی:

  - هەولێر: 24

  - سلێمانی: 24

  - دهۆک: 25

  - کەرکوک: 26

  - هەڵەبجە: 24

  - زاخۆ: 25

  - سۆران: 21

  - گەرمیان: 26

  - پیرمام: 19

  - حاجی ئۆمەران: 14