فەرماندەیی ناوەندیی هێزە چەکدارەکانی ئێران ڕایگەیاند، ئەو لێدوان و "قسە نابەجێیانەی" دۆناڵد ترەمپ دەربارەی جەنگ لە ڕۆژهەڵاتی ناوەڕاست دەیکات، هیچ کاریگەرییەکیان لەسەر ورە و جووڵەی سەربازانی ئێرانی نابێت.
ئیبراهیم زولفەقاری، وتەبێژی بارەگای "خاتەم ئەنبیا" کە ژووری ئۆپەراسیۆنە ناوەندییەکانی هێزە چەکدارەکانی ئێرانە ئاماژەی بەوە کرد، ئەو هەڕەشە و قسانەی لەلایەن کاندیدی کۆمارییەکان بۆ سەرۆکایەتی ئەمریکا دەکرێن، "وەهمین" و ناتوانن ڕێگری لە ئۆپەراسیۆنە هێرشبەرییەکانی وڵاتەکەی دژی ئەمریکا و ئیسرائیل بگرن.
ئەم کاردانەوەیەی تاران دوای ئەوە دێت، کە دۆناڵد ترەمپ لە چەند لێدوانێکی نوێیدا هەڕەشەی وێرانکردن و تەقاندنەوەی ژێرخانی ئابووری و سەربازی ئێرانی کردبوو، ئەگەر بێت و تاران هێرش بکاتە سەر بەرژەوەندییەکانی واشنتۆن لە ناوچەکەدا.
بەرپرسە سەربازییەکەی ئێران جەختیشی کردەوە، کە هێزە چەکدارەکانیان لەسەر پلان و ستراتیژی خۆیان بەردەوام دەبن و ئەم جۆرە لێدوانانە ناتوانن کاریگەری لەسەر ئامانجە سەربازییەکانیان لە ناوچەکەدا دروست بکەن.
کۆمێنت (0)
تا ئێستا هیچ کۆمێنتێک نەکراوە.