دەستەی حەشدی شەعبی روونكردنەوەی لەبارەی هێرشەكەی شەوی رابردووی سەر بارەگاكەیان لە پارێزگای ئەنباڕ خستەڕوو و رایگەیاند، بەهۆی هێرشەكە 6 چەكدار بوونە قوربانی.
دەستەی حەشدی شەعبی لە راگەیەنراوێكدا دەڵێت "شەوی رابردوو كاتژمێر 10:30 فڕۆكەكانی ئیسرائیل و ئەمریكا هێرشێكی مووشەكییان كردە سەر بارەگای لیوای 17ی حەشدی شەعبی لە شارۆچكەی روتبە سەر بە پارێزگای ئەنباڕ.
راشیگەیاند: لە هێرشەكەدا 2 چەكداری حەشد كوژران و 4ی دیكەش بریندار بوون.
ئەمە لەكاتێكدایە كە دوای نیوەڕۆی ئەمڕۆ سێشەممە جارێكی دیكە لەلایەن فڕۆكە جەنگییەكانەوە هێرشكرایە سەر بارەگای لیوای 17ی حەشدی شەعبی لە شارۆچكەی روتبە لە سنووری پارێزگای ئەنباڕ، بەڵام قەبارەی زیانەكان رانەگەیەنراوە.
کۆمێنت (0)
تا ئێستا هیچ کۆمێنتێک نەکراوە.