ئیمارات بە توندترین دەستەواژە سەرکۆنەی ئەو هێرشەی کرد کە کرایە سەر ماڵی نێچیرڤان بارزانی، سەرۆکی هەرێمی کوردستان لە پارێزگای دهۆک و نیگەرانیی قووڵی خۆی بەرامبەر ئەو "کارە تاوانکارییە" دەربڕی.
ئەمڕۆ یەکشەممە، وەزارەتی دەرەوەی ئیمارات لە بەیاننامەیەکی فەرمیدا ڕایگەیاند: "دەوڵەتی ئیمارات هاوسۆزی و پشتیوانیی تەواوی خۆی بۆ سەرۆکی هەرێمی کوردستان و خێزانەکەی، هەروەها بۆ حکوومەتی عێراق و حکوومەتی هەرێمی کوردستان لەم دۆخەدا دووپات دەکاتەوە."
لە بەشێکی دیکەی بەیاننامەکەدا هاتووە، ئیمارات بە توندی ئەو جۆرە کردەوە تاوانکارییانە شەرمەزار دەکات و جەخت دەکاتەوە کە بە توندی دژی هەموو شێوازەکانی توندوتیژی و ئاڵۆزییە کە ئامانجیان تێکدانی ئاسایش و سەقامگیریی ناوچەکەیە.
کۆمێنت (0)
تا ئێستا هیچ کۆمێنتێک نەکراوە.